الرئيسية
ياعين هلّي صافي الدمع هلّيه *** والا قضى صافيه هلّي نزيفه
ياعين شوفي زرع خلك وراعيه *** وشوفي معاويده وشوفي قليبه
إن مرني بالدرب ما اقدر احاكيه *** مصيـــبة يا كبرها والله مصيـــبه
اللي يبينا عيت النفس تبغيه *** واللي نبي عيّا البخت لايجيبه
حنا نبي لاماه ونحب طاريه *** الله لا يقطع نصيبي ونصيبه
أصل المودة نظرةٍ من معانيه *** خصرٍ مظمّر والمعاني عجيبة
من يوم شفته خاطري مولعٍ فيه *** قلت البخت ياسعد من هو يصيبه
أقفى وصد وقال يامن تهاويه *** خبرك عتيق وقلت نفسي صعيبة
يامن له الخاطر شفوقٍ يراعيه *** اتبع هوانا و غيرنا وش تبي به
اللي يدارينا ترانا نداريه *** واللي تنكّر جعل ربي حسيبه
هذي قصه نوره الحوشان من المملكة العربيه السعوديه وهي قصه قديمه جدااا
